புதுச்சேரி, சின்ன சுப்புராயப்பிள்ளை வீதியில் அங்காள பரமேஸ்வரி கோவில் உள்ளது. இந்த கோவிலில் நேற்று 44வது ஆண்டு ஏகதின லட்சார்ச்சனை நடந்தது.

முன்னதாக, அங்காள பரமேஸ்வரி சுவாமி பூக்களால் அலங்கரிக்கப்பட்டு, சிறப்பு அலங்காரத்தில் பக்தர்களுக்கு அருள்பாலித்தார். தொடர்ந்து, காலை 7:00 மணியிலிருந்து இரவு 9:00 மணி வரை நடந்த ஏகதின லட்சார்ச்சனையில் பக்தர்கள், கடவுளுக்குரிய ஆயிரம் திருநாமங்களை கூறி, பூக்களை துாவி அர்ச்சனை செய்து, சகஸ்ரநாமம் கூறி வழிப்பட்டனர்.

ஏற்பாடுகளை ஆலய நிர்வாகிகள் மற்றும் அப்பகுதி பொதுமக்கள் செய்தனர்.