25 திருநங்கைகளுக்கு டோரதி படக்குழு நிதி உதவி

கார்த்திக் சுப்பராஜ் இயக்கிய 'டோரதி' படத்துக்கு கடந்த சில நாட்களாக சென்னையில் அதிக விளம்பர நிகழ்ச்சிகள் நடக்கின்றன. பல இடங்களில் படத்துக்கும் வரவேற்பு கிடைத்துள்ளது. இந்நிலையில், திருநங்கைகளின் நலனுக்கு நிதியுதவி வழங்கும் முடிவு படக்குழு எடுத்தது.

கடந்த அக்டோபர் 7ம் தேதி சென்னையில் உள்ள கமலா திரையரங்கில் நடைபெற்ற 'டோரதி' படத்தின் வெற்றி விழாவின்போது இந்த நிதியுதவித் திட்டம் முன்னெடுக்கப்பட்டது. அப்போது, திருநங்கைகள் நல அமைப்பான 'எங்கள் சகோதரன்' அமைப்பின் பிரதிநிதிகள், தமிழ்நாட்டின் பல்வேறு பகுதிகளைச் சேர்ந்த மருத்துவ மற்றும் நிதியுதவி தேவைப்படும் 25 பேரை அறிமுகப்படுத்தினர். அவர்களில் புற்றுநோய், சிறுநீரகச் செயலிழப்பு போன்ற தீவிர நோய்களால் பாதிக்கப்பட்டவர்களும், கை, கால்களை இழந்தவர்களும், பிறவியிலேயே பார்வையற்றவர்களும் இடம் பெற்றிருந்தனர். இந்த 25 பேருக்கும் காசோலையை இயக்குனர் கார்த்திக் சுப்பராஜ் வழங்கினார்.

இந்த நிதியுதவியைப் பெறுபவர்களை வெற்றி விழாவுக்கு அழைத்து வருவது குறித்துப் படக்குழுவுக்கு தகவல் தெரிவித்தபோது, அவர்களுக்கு பயணம் செய்து வருவதில் வருவதில் ஏற்படக்கூடிய சிரமங்கள் குறித்து கருத்தில் கொண்டு இயக்குனர் கார்த்திக் சுப்பராஜ் கவலை தெரிவித்துள்ளார். இருப்பினும், உடல்நலப் பிரச்னைகளையும் பொருட்படுத்தாமல், தங்களை நெகிழச் செய்த திரைப்படத்தை உருவாக்கிய இயக்குநரை நேரில் சந்தித்து வாழ்த்த வேண்டும் என்ற விருப்பத்துடன் அவர்கள் விழாவில் கலந்து கொண்டனர்.

அடுத்த ஓராண்டுக்குத் தேவையான மருந்துகள் மற்றும் உணவுச் செலவுகளைச் சமாளிக்க இந்த நிதி உதவும் என்று நெகிழ்ச்சியுடன் நிதியுதவி பெற்றவர்கள் பகிர்ந்து கொண்டனர். நோய்களுடன் போராடுவதோடு, மாற்றுத்திறன் சார்ந்த சவால்களையும் சமூகப் புறக்கணிப்பையும் எதிர்கொண்டு வரும் அவர்களுக்கு, இந்த நிதியுதவி அன்றாடத் தேவைகளைப் பூர்த்தி செய்வதில் பெரும் ஆதரவாக இருக்கும் என அமைப்பின் பிரதிநிதிகளான சுதா மற்றும் ஜெயா தெரிவித்தனர்.