அதிகரிக்கும் விவாகரத்து குறித்து காஜல் அகர்வால் ஓபன் டாக்

நவீன உறவுகள் மற்றும், அதிகரிக்கும் விவாகரத்து, சமூக வலைதளங்களின் தாக்கம் குறித்து நடிகை காஜல் அகர்வால் தனது கருத்துக்களைப் பகிர்ந்து கொண்டுள்ளார். சமீபத்திய உரையாடலில் பேசிய அவர், சகிப்புத்தன்மையின்மை மற்றும் அளவுக்கு அதிகமான சமூக வலைதள பயன்பாடே அதிகரித்து வரும் விவாகரத்துகளுக்கு முக்கியக் காரணங்களில் ஒன்றாக இருக்கிறது என்று தெரிவித்துள்ளார்.

பல தம்பதிகள் உணவகங்களுக்குச் செல்லும்போது கூட, ஒருவருக்கொருவர் பேசி நேரத்தைச் செலவிடுவதை விடத் தங்கள் செல்போன்களிலேயே அதிக நேரம் செலவிடுவதாக காஜல் சுட்டிக் காட்டினார். அவரும் அவருடைய கணவரும் ஒவ்வொரு வாரமும் இரவு உணவிற்கு வெளியே சென்று, தரமான நேரத்தை ஒன்றாகச் செலவிடுவதை ஒரு வழக்கமாகவே வைத்துள்ளதாக அவர் வெளிப்படுத்தினார்.

சமூக வலைதளங்கள் மற்றும் செல்போன்களால் மக்களின் கவனம் திசை திருப்பப்படுவதால், அர்த்தமுள்ள உரையாடல்கள் படிப்படியாகக் குறைந்து வருவதாக காஜல் அகர்வால் கூறினார். காஜலின் இந்தக் கருத்துக்கள் இணையத்தில் விவாதத்தைத் தூண்டியுள்ளன. ஆரோக்கியமான உறவிற்குத் தம்பதிகளுக்கு இடையேயான சரியான உரையாடலே மிக முக்கியமான தூண்களில் ஒன்று எனப் பலரும் இவரது கருத்திற்கு ஆதரவு தெரிவித்து வருகின்றனர்.