நான் பல ஆண்டுகளாக மேரிலாந்தில் வசித்து வருகிறேன். அவ்வப்போது இந்தப் பாலத்தில் வாகனங்களை ஓட்டி இருக்கிறேன். இந்த விபத்து பற்றிக் கேள்விப்பட்டதும் அதிர்ச்சி அடைந்தேன். எனவே, தற்போதைய சூழ்நிலையைப் பார்க்க இன்று என் நண்பர்களுடன் கீ பாலம் வரை சென்று பார்வையிட்டேன்.

செவ்வாய்க்கிழமை இரவு பால்டிமோர் நகரின் சீகெர்ட் கார்கோவிலிருந்து புறப்பட்ட ஒரு பெரிய சரக்குக் கப்பல் நகரின் சின்னமான பிரான்சிஸ் ஸ்காட் கீ பாலத்தில் மோதியதால் பாலத்தின் ஒரு பகுதி படாப்ஸ்கோ ஆற்றில் இடிந்து விழுந்தது. பாலம் இடிந்து விழுந்ததால் மக்கள் மற்றும் வாகனங்கள் பாலத்தின் ஒரு பகுதி நீரில் மூழ்கின. 6 கட்டுமானத் தொழிலாளர்கள் மட்டுமே உயிரழநததாக அரசு அதிகாரிகள் தெரிவித்தனர், பலியான இருவரின் உடல்கள் புதன்கிழமை மீட்கப்பட்டன. பால்டிமோர் துறைமுகத்தை விட்டு வெளியேறும்போது கப்பல் உந்துவிசையை இழந்துவிட்டதால் கட்டுப்பாட்டை இழந்து பாலத்தில் மோதியது என்று மேரிலாந்து போக்குவரத்துத் துறை அறிவித்தது.

விபத்தில் சிக்கிய கப்பல், டாலி என்று அழைக்கப்படும் சிங்கப்பூர் கொடியுடன் கூடிய கப்பல். மேரிலாந்து கவர்னர் வெஸ் மூர் மற்றும் துணைநிலை கவர்னர் அருணா மில்லர் அவசர கால நிலையை அறிவித்தனர். அருணா மில்லர் இந்திய வம்சாவளிப் பெண்மணி.

இந்த சம்பவத்தில் பயங்கரவாதத்துடன் தொடர்பு இருப்பதாகக் கூறுவதற்குக் குறிப்பிட்ட அல்லது நம்பகமான தகவல்கள் எதுவும் இல்லை என்று FBI இன் பால்டிமோர் கள அலுவலகத்திற்குப் பொறுப்பான சிறப்பு முகவரான வில்லியம் ஜே. டெல்பாக்னோ செய்தியாளர் சந்திப்பின் போது கூறினார். இதற்கிடையில், பாலம் இடிந்து விழுந்தது குறித்து விசாரணை நடத்தத் தேசிய போக்குவரத்து மற்றும் பாதுகாப்பு வாரியம் ஒரு குழுவை நியமித்தது.

தேடல் மற்றும் மீட்புப் பணி ஒரு வாரம் வரை ஆகலாம் என்று கூறப்படுகிறது. இடிந்து விழுந்ததில் காணாமல் போனவர்கள் குவாத்தமாலா, எல் சால்வடார், ஹோண்டுராஸ் மற்றும் மெக்சிகோவைச் சேர்ந்தவர்கள், பெரும்பாலும் 30 மற்றும் 40 வயதுக்கு உட்பட்டவர்கள், மேலும் டுண்டல்க் மற்றும் ஹைலேண்ட்டவுனில் அவர்களுடைய குடும்பத்தினர் உள்ளனர் என்று பால்டிமோர் பேனர் தெரிவித்துள்ளது. அமெரிக்கன் சொசைட்டி ஆஃப் சிவில் இன்ஜினியர்களின் கூற்றுப்படி, பிரான்சிஸ் ஸ்காட் கீ பாலம் எஃகு வளைவுகளைக் கொண்டுள்ளது மற்றும் உலகின் மிக நீளமான தொடர்ச்சியான டிரஸ் பாலங்களில் ஒன்றாகும். பிரான்சிஸ் ஸ்காட் கீ பாலத்தின் கட்டுமானம் 1972 இல் தொடங்கியது, மேலும் இது மார்ச் 23, 1977 இல் போக்குவரத்துக்குத் திறக்கப்பட்டது.

படாப்ஸ்கோ ஆற்றின் குறுக்கே 1.6 மைல் நீளம் கொண்டது. அதன் இணைக்கும் அணுகுமுறைகள் உட்பட, முழு பாலம் திட்டம் 10.9 மைல் நீளம் கொண்டது. பல ஆண்டுகளாக இது பல்லாயிரக்கணக்கான மக்களுக்குத் தினசரி பயணப் பாதையாகச் செயல்பட்டது. படாப்ஸ்கோ என்பது 39 மைல் நீளமுள்ள நதியாகும், இது மத்திய மேரிலாந்து வழியாக செசபீக் விரிகுடாவில் சேர்கிறது. நீர் வழிப்பாதையின் ஒரு பகுதி பால்டிமோர் துறைமுகத்தை உருவாக்குகிறது மற்றும் நகரின் முக்கிய துறைமுகத்திற்கு நேரடியாகச் சேவை செய்கிறது. இது ஒரு பெரிய உள்நாட்டு மற்றும் சர்வதேச கப்பல் மையமாகும். இது அமெரிக்காவின் கிழக்கு கடற்கரையில் உள்ள கப்பல் நெட்வொர்க்கிற்கு மிக முக்கியமான ஒன்றாகும். வாகனத் தொழிலுக்கான முன்னணி ஏற்றுமதி துறைமுகமாகும். இந்த துறைமுகம் 51 மில்லியன் டன் வெளிநாட்டுச் சரக்குகளுக்குப் பொறுப்பாகும். இது நாட்டிலேயே மிகப்பெரியது. இந்த விபத்து மேரிலாந்து மாநிலத்தில் பெரிய பொருளாதாரத் தாக்கத்தை ஏற்படுத்தப் போவதில்லை என்றாலும், இது கென்டக்கியில் உள்ள விவசாயிகளையும் மற்றும் கார் தொழிற்சாலைகள் அதிகம் கொண்ட மிச்சிகனில் உள்ள வாகன விற்பனையாளர்களையும் பெரிதாகப் பாதிக்கக்கூடும்.

- நமது செய்தியாளர் முருகவேலு வைத்தியநாதன்