அனைத்து குடும்ப உறுப்பினர்களும், திரண்ட நிகழ்வு குடும்ப உறவுகளின் மேன்மையை விளக்குவதாக அமைந்தது. அன்னக்கிளி ஆத்தாள் 12 வயதில் கிருஷ்ணசாமி என்பவரை மணந்தார். இவர்களுக்கு 6 மகன் 7 மகள் என 13 குழந்தைகள். இவர்கள் மூலம் 5 தலைமுறையை கண்ட பாட்டி தனது, 100வது பிறந்தநாளை கொண்டாடி வருகிறார்.

இதில் அனைவரும் ஒரே மாதிரியான உடைகள் அணிந்து குடும்ப போட்டோ எடுத்துக் கொண்டு பாட்டியிடம் ஆசிர்வாதம் பெற்றனர். மேலும், பாட்டியின் பிறந்தநாளை கேக் வெட்டி கொண்டாடினர்.

இதுகுறித்து மூதாட்டி கூறியதாவது:

இது தனக்கு மிகுந்த மகிழ்ச்சி அளிக்கிறது. 5 தலைமுறை பேரன் பேத்திகள் உடன், 100வது பிறந்தநாள் கொண்டாடுவது தனது பாக்கியம். அந்த காலத்தில் சோளம், கம்பு, கேழ்வரகு போன்ற உணவுகள் இந்த காலத்தில் இல்லை. அசைவ உணவை தான் விரும்பி சாப்பிடுவேன். வாரத்தில், 3 நாட்கள் அசைவ உணவு சாப்பிடுவேன். குழந்தைகள் குறித்த கேள்வியை யார் கேட்டாலும் சொல்ல மாட்டேன். 13 குழந்தைகள் என்றால் கண் பட்டுவிடும் என்பதால் அவர் இதனை எப்போதும் சொல்ல மாட்டேன்.

இவ்வாறு, அவர் கூறினார்.