இதுகுறித்து, திருத்தணி நெடுஞ்சாலை துறையின் உதவி பொறியாளர் ஞானஅருள்ராஜ் கூறியதாவது:

திருத்தணி உட்கோட்டம் பராமரிப்பில் உள்ள திருத்தணி கார்த்திகேயபுரம் - மின்னல் வரை செல்லும் மாநில நெடுஞ்சாலையில், 1.5 கி.மீ.,க்கு உள்ள ஒருவழிச்சாலையை, இருவழிச்சாலையாக அகலப்படுத்தும் பணி நடந்து வருகிறது.

எனவே, சாலை அமைப்பதற்கு இடையூறாக உள்ள மின்கம்பங்களை இன்று மாற்றி அமைக்கும் பணி நடக்கிறது. இதனால், காலை 9:00 - மாலை 5:00 மணி வரை, கார்த்திகேயபுரம் சாலை, கண்ணன் நகர், நேதாஜி நகர், பெரியார் நகர் மற்றும் கவுரி அம்மன் நகர் உள்ளிட்ட பகுதிகளில் மின் நிறுத்தம் செய்யப்படுகிறது.

இவ்வாறு அவர் கூறினார்.