பழநி ஆர்.டி.ஓ., அலுவலகத்தில் விவசாயிகள் குறைதீர் கூட்டம் நடைபெற்றது.

துணை தாசில்தார் ஜெகதீஷ் தலைமை வகித்தார். வேளாண் உதவி இயக்குனர் கவுசிகா தேவி, தோட்டக்கலை உதவி இயக்குனர் கிருஷ்ணமூர்த்தி, அரசு அதிகாரிகள் பங்கேற்றனர்.

விவசாயிகள் விவாதம் மகுடீஸ்வரன் : விவசாயிகள் அளிக்கும் மனுக்களுக்கு உரிய நடவடிக்கை எடுப்பதில்லை. சில துறை அலுவலர்கள் குறை தீர்ப்பு கூட்டத்திற்கு வருவதில்லை.

துணை தாசில்தார்: அனைத்து மனுக்கள் மீதும் நடவடிக்கை எடுக்கப்பட்டு வருகிறது.

தங்கராஜ் : நிலத்தின் பட்டாவில் பெயர் நீக்கப்பட்டுள்ளது.

துணை தாசில்தார்: தகுந்த நடவடிக்கை எடுக்கப்படும்.

கந்தசாமி : தொப்பம்பட்டி வட்டாரத்தில் காட்டு பன்றிகள் அட்டகாசம் அதிகரித்து வருகிறது. பயிர் அடங்கல் பெற சிரமம் ஏற்படுகிறது.

துணை தாசில்தார்: உரிய நடவடிக்கை எடுக்கப்படும்.

காளிதாஸ் : நெய்க்காரப்பட்டியில் புறக்கடைகளில் யூரியா முறைப்படி வழங்கப்படுவதில்லை.

வேளாண் உதவி இயக்குனர்: உரங்கள் பற்றிய விவரங்களை தெரிவித்தால் தகுந்த நடவடிக்கை எடுக்கப்படும். இவ்வாறு விவாதம் நடந்தது.