கிணத்துக்கடவு, அரசம்பாளையம் நஞ்சுண்டேஸ்வரர் கோவில் திருக்குட நன்னீராட்டு விழா, வரும், 3ம் தேதி துவங்குகிறது. அன்று காலையில், திருவிளக்கு வழிபாடு, புனித நீர் வழிபாடு, அனுமதி பெறுதல், மண்ணெடுத்தல், காப்பணிதல் உள்ளிட்ட நிகழ்ச்சிகள் நடக்கிறது.

இரவு, 7:00 மணிக்கு, முதற்கால வேள்வி நடக்கிறது. இரவு, 8:30 மணிக்கு, வேள்வி நிறைவு, பேரொளி வழிபாடு, திருமுறை விண்ணப்பம் மற்றும் பிரசாதம் வழங்கப்படுகிறது. இரவு, 9:00 மணிக்கு, எண்வகை மருந்து சாற்றுதல் மற்றும் விமான கலசம் நிறுவப்படுகிறது.

வரும், 4ம் தேதி, காலை, 6:00 மணிக்கு, திருச்சுற்று தெய்வங்களுக்கு திருக்குட நன்னீராட்டு விழா நடக்கிறது. காலை, 7:00 மணிக்கு, இரண்டாம் கால வேள்வி நடக்கிறது. காலை, 9:30 மணிக்கு, விமான கலசங்களுக்கும், காலை, 10:15 மணிக்கு, மூலமூர்த்திகளுக்கும் திருக்குட நன்னீராட்டு விழா நடக்கிறது. மதியம், 12:00 மணிக்கு, அன்னதானம் நடக்கிறது.