கிணத்துக்கடவு அரசு மேல்நிலைப்பள்ளியில், ஆயிரத்திற்கும் மேற்பட்ட மாணவர்கள் படிக்கின்றனர். இதில், நடப்பு கல்வி ஆண்டுக்கான என்.எம்.எம்.எஸ் (தேசிய வருவாய் வழி மற்றும் திறன் படிப்பு உதவித்தொகை திட்டத்திற்கான) தேர்வில், 16 மாணவர்கள் பங்கேற்றனர். அதில், 3 மாணவர்கள் தேர்ச்சி பெற்று அசத்தியுள்ளனர். இதன் வாயிலாக, மாணவர்களுக்கு மாதம் தோறும் ஊக்கத்தொகை கிடைக்கும். மாவட்ட கல்வி அதிகாரிகள், பள்ளி தலைமை ஆசிரியர் தேன்மொழி, ஆசிரியர்கள் மாணவர்களை பாராட்டினர்.