மணிமங்கலம் போலீஸ்கரர்கள் வேல்முருகன், முனியன் இருவரும், நேற்று காலை, திருட்டு வழக்கு தொடர்பாக, அமைந்தகரை அடுத்த செனாய் நகர், எட்டாவது தெருவில், விசாரணை மேற்கொண்டிருந்தனர்.

போலீசை பார்த்தவுடன், சாலையோரம் நின்ற இருவர் தப்பியோடினர். போலீசார் இருவரையும் விரட்டிப் பிடித்தனர்.

அவர்களை சோதித்தில் , முறையாக ஆவணங்களின்றி, 80 லட்சம் ரூபாய் பணம் வைத்திருந்தது தெரிய வந்தது. முன்னுக்கு பின் முரணாக பதிலளித்தால் , இருவரையும் அண்ணா நகர் போலீசில் ஒப்படைத்தனர்.

விசாரணையில், ரியல் எஸ்டேட் தொழில் செய்யும் தினேஷ் , மகேஷ் குமார் என்பது தெரிந்தது. முறையாக ஆவணங்கள் இல்லாததால், வருமான வரிதுறை அதிகாரிகளிடம் பணத்தை ஒப்படைத்தனர்.

பின், வருமான வரித்துறையிடம் ஆவணங்களை ஒப்படைத்து, இருவரும் பணத்தை திரும்ப பெற்றதாக கூறப்படுகிறது .

***