ஆசிய விளையாட்டில் பதக்கம் (வெண்கலம்) வென்ற இவர், அரையிறுதியில் எகிப்தின் வலிமையான நுார் ஹபாகியை எதிர்கொண்டார். முதல் செட்டை 10-12 என இழந்த அனாஹத், அடுத்த இரு செட்டை 11-5, 11-5 என கைப்பற்றினார். 4வது செட்டை 10-12 என போராடி தோற்றார். 5வது செட்டில் சுதாரித்த அனாஹத் 11-7 என வென்றார்.

54 நிமிடம் நீடித்த இப்போட்டியில் அனாஹத் 3-2 என்ற செட் கணக்கில் வெற்றி பெற்று பைனலுக்கு முன்னேறினார்.

சர்வதேச ஸ்குவாஷ் அரங்கில், கடந்த 12 மாதத்தில் 9 கோப்பை உட்பட, 18 தொடரில் 12ல் சாதித்துள்ளார் அனாஹத். இன்று பைனலில் சாதித்தால் 13வது கோப்பை வெல்லலாம்.

நேற்று நடந்த மற்றொரு அரையிறுதியில் இந்தியாவின் ஆகான்ஷா, எகிப்தின் ஹனி ஹிபிபா மோதினர். இதில் ஆகான்ஷா 1-3 என்ற (9-11, 11-7, 10-12, 6-11) கணக்கில் தோல்வியடைந்தார்.