புதுச்சேரி காந்தி வீதியில் பெருந்தேவி நாயிகா சமேத வரதராஜ பெருமாள் கோவில் அமைந்துள்ளது.

இக்கோவிலில் 38ம் ஆண்டு பிரம்மோற்சவ விழா கடந்த 14ம் தேதி துவங்கியது. இதையொட்டி, தினமும் காலை 10:30 மணிக்கு சிறப்பு திருமஞ்சனம், இரவு 7:30 மணிக்கு பல்வேறு வாகனங்களில் சுவாமி வீதியுலா நடந்து வருகிறது.

இதன் ஒரு பகுதியாக, நேற்று காலை 10:30 மணிக்கு வரதராஜ பெருமாள் சுவாமிக்கு சிறப்பு திருமஞ்சனம், இரவு 7:30 மணிக்கு தங்க சிம்ம வாகனத்தில் சுவாமி வீதியுலா நடந்தது. திரளான பக்தர்கள் சுவாமி தரிசனம் செய்தனர்.

வரும் 20ம் தேதி காலை 10:30 மணிக்கு திருமஞ்சனம், மாலை 4:00 மணிக்கு திருக்கல்யாண உற்சவம் நடக்கிறது.

வரும் 23ம் தேதி காலை 7:30 மணிக்கு திருத்தேர் புறப்பாடு, 28ம் தேதி இரவு 7:00 மணிக்கு ஊஞ்சல் உற்சவம் நடக்கிறது.