இதில் வேலுமணி பேசுகையில், 'மதுரை மாநாட்டில், த.வெ.க., தலைவர் விஜய், 'அ.தி.மு.க., தலைமை யாரிடம் உள்ளது?' என்று பேசியுள்ளார். அ.தி.மு.க., பொதுச்செயலர் பழனிசாமி தான் என்பது அவருக்கு தெரியவில்லை.

'பழனிசாமி பற்றி பேச விஜய்க்கு உரிமை கிடையாது. அ.தி.மு.க., ஒருமுறை தோற்றால், மறுமுறை வீறுகொண்டு எழுந்து வெற்றி பெறும். அ.தி.மு.க., கூட்டணி, 210 தொகுதிகளில் வெல்லும். இதை விஜய் மட்டுமல்ல... யாராலும் தடுக்க முடியாது...' என்றார்.

தொண்டர் ஒருவர், 'தி.மு.க.,வுக்கும், த.வெ.க.,வுக்கும் தான் போட்டின்னு விஜய் சொன்னாரு... இவர் பேசுறதை பார்த்தா, நமக்கும், விஜய்க்கும் தான் போட்டி போல இருக்கே...' என முணுமுணுக்க, அருகில் இருந்தவர்கள் ஆமோதித்தனர்.