உள்ளூர் செய்திகள்

/ சினிமா / செய்திகள் / டேர் டெவில் படத்தில் அஜித்துக்கு வில்லன் சிவராஜ்குமார்

டேர் டெவில் படத்தில் அஜித்துக்கு வில்லன் சிவராஜ்குமார்

​ஆதிக் ரவிச்சந்திரன் இயக்கத்தில் அஜித் நடிக்கும் படம் ‛டேர் டெவில்'. ஷாலினி தயாரிக்கிறார். இதன் படப்பிடிப்பு ஐதராபாத்தில் நடந்து வருகிறது. அஜித்துக்கு வில்லனாக பிரபல கன்னட நடிகர் சிவராஜ்குமார் நடிக்கிறார். படக்குழு இதை உறுதிபடுத்தி உள்ளது.

இது உண்மைதான். இப்படத்தில் மிகவும் வலிமையான வில்லன் கதாபாத்திரம் உள்ளது; அதற்காகப் பலரது பெயர்களை நாங்கள் ஆலோசித்து வந்தோம். அஜித்திற்கு சிவராஜ்குமார் மீது மிகுந்த மரியாதை உண்டு, எனவே அவரை அணுக நாங்கள் முடிவு செய்தோம். மூன்று முதல் நான்கு மாதங்களுக்கு முன்பே அவரை ஒப்பந்தம் செய்துவிட்டோம். ஆதிக் நேரில் சென்று சிவண்ணாவிடம் கதையைச் சொன்னார், அவரும் உடனடியாக நேர்மறையாகப் பதிலளித்தார். பின்னர், அஜித்தே அவரிடம் பேசினார். நவம்பர் 17 அல்லது 18ம் தேதி அவர் படப்பிடிப்பில் இணைவார் என்கின்றனர்.

'ஜெயிலர்', 'கேப்டன் மில்லர்' மற்றும் 'ஜெயிலர் 2' போன்ற தமிழ்ப் படங்களில் நடித்துள்ள சிவராஜ்குமார், 'டூரிஸ்ட் பேமிலி' புகழ் அபிஷன் ஜீவிந்த்தின் தந்தையாக நடிக்கும் தந்தை-மகன் பாசக் கதையான 'பிக்காசோ' படத்திலும் முக்கிய கதாபாத்திரத்தில் நடித்து வருகிறார்.

​ஐதராபாத்தில் இரவு நேரப் படப்பிடிப்பு நடைபெற்று வருகிறது. படக்குழு ஒரு சண்டைக் காட்சியைப் படமாக்கி முடித்துள்ளது. பிரபு, பார்த்திபன் மற்றும் ஸ்ரீலீலா ஆகியோர் இந்தப் படப்பிடிப்பில் பங்கேற்றுள்ளனர். டிசம்பர் மாதம் வரை அங்கே படப்பிடிப்பு தொடர்கிறது. அடுத்து சென்னை மற்றும் வெளிநாடுகளில் நடக்க உள்ளது.


தினமலர் சேனல்களுக்கு SUBSCRIBE செய்யுங்கள் !