ஹீரோ என அழைத்து வில்லன் ஆக்கிவிட்டார்கள் : விஜய்சேதுபதி
பத்தா பட வெற்றி விழாவில் விஜய்சேதுபதி பேசியது, எனக்கு காய்ச்சல் வந்திருக்கிறது; வழக்கமாக நான் அளவுக்கு அதிகமாக மகிழ்ச்சியாக இருக்கும்போதெல்லாம் எனக்கு இப்படி காய்ச்சல் வரும். இப்போது பத்தா படத்தின் வெற்றியால் நான் அளவு கடந்த மகிழ்ச்சியில் இருக்கிறேன். மக்களுக்கு ஒரு படம் பிடித்துவிட்டால், அதை சமூக வலைத்தளங்களிலும் கொண்டாடித் தீர்ப்பார்கள். பத்தா படத்திற்கு கிடைக்கும் அந்த அன்பைப் பார்க்கும்போது எனக்கு ரொம்பவே சந்தோஷமாக இருக்கிறது.
பாலாஜி தரணிதரன் மிகச் சிறந்த இயக்குநர்; ஆனால் அவரது முந்தைய படம் வியாபார ரீதியாக சரியாகப் போகவில்லை. அப்படிப்பட்ட சூழலில் அட்லி முன்வந்து இந்தப் படத்தைத் தயாரித்தார். யாரையும் குறை சொல்வதற்காக நான் இதைச் சொல்லவில்லை, ஆனால் வியாபாரம் என்று வரும்போது உண்மையை வெளிப்படையாகப் பேச வேண்டும் என்று நினைக்கிறேன்.
எல்லோரும் நான் மிக எளிதாக நடித்து விடுவதாகச் சொல்கிறார்கள், ஆனால் அது அவ்வளவு சுலபமானது அல்ல. நான் ரத்தம் கக்கி நடிக்கும் அளவுக்குச் செய்யவில்லை என்றாலும், நான் நடிக்கும் ஒவ்வொரு படத்திற்கும் அந்தளவிற்கு உழைப்பைப் போடுகிறேன்.
என்னை படத்தின் கதாநாயகன் என்று சொல்லிதான் அழைத்தார்கள், ஆனால் என்னை வில்லனாக்கி, சிறுவன் சாயை ஹீரோவாக்கி விட்டார்கள். உண்மையில், அவர் அதற்கு முற்றிலும் தகுதியானவர். சாய் இப்போது பெற்றுவரும் அனைத்து அன்பிற்கும் பாராட்டுகளுக்கும் முழு தகுதியானவர்.
அட்லி ஒரு பெரிய இயக்குநர், ஆனாலும் அவர் இந்தப் படத்தை களத்தில் இறங்கி நேரில் மக்களிடையே விளம்பரப்படுத்தி வருகிறார். அவரே நேரடியாக திரையரங்குகளுக்குச் சென்று ரசிகர்களைச் சந்திக்கிறார். அந்த மாதிரியான உழைப்பு சாதாரண விஷயமல்ல, அது மிகப்பெரிய விஷயம் இயக்குனர் பாலாஜி தரணிதரன் பணம் சம்பாதிக்க வேண்டும்.
இவ்வாறு பேசினார்.