நயன்தாரா நடித்த இரண்டு படங்கள் ஒரே நாளில் ஓடிடியில் வெளியாகிறதா?

கடந்த மாதம் நயன்தாராவின் நடிப்பில் டாக்சிக் என்ற ஆக்ஷன் திரில்லர் மற்றும் ஹாய் என்ற ரொமாண்டிக் காமெடி என இரண்டு படங்கள் வெளியாகின. துரதிர்ஷ்டவசமாக, இந்த இரண்டு படங்களுமே திரையரங்குகளில் பெரிய அளவிலான தாக்கத்தை ஏற்படுத்தத் தவறின. இதில், விஷ்ணு எடவன் இயக்கிய ஹாய் திரைப்படத்தை நயன்தாராவே தயாரித்திருந்தார்.

முன்னதாக, பிரபல ஓடிடி தளமான ஜீ5 தனது செப்டம்பர் மாத வெளியீடுகளின் பட்டியலில் ஹாய் படம் இடம்பெறும் என்று அறிவித்திருந்தது. அதனால் இப்படம் செப்டம்பர் 25 ஆம் தேதி அன்று ஓடிடியில் வெளியாகும் என்று தகவல்கள் வெளியாகியுள்ளன.

அதேபோல், கீது மோகன்தாஸ் இயக்கத்தில் நயன்தாரா நடித்த டாக்ஸிக் படமும் அதே செப்டம்பர் 25ல், அதே ஓடிடி தளத்தில் திரையிடப்படலாம் என்கிற இன்னொரு தகவலும் வெளியாகியுள்ளது. இந்த செய்திகள் உண்மையானால், இந்த வார இறுதியில் நயன்தாரா நடித்த இரண்டு படங்களை ரசிகர்கள் ஓடிடியில் கண்டு மகிழலாம்.