ராக்கா படத்தில் ஷாருக்கான் கெஸ்ட் ரோலா?

அட்லி இயக்கத்தில் அல்லு அர்ஜுன் நடித்து வரும் ‛ராக்கா' படத்தின் படப்பிடிப்பு நடந்து வருகிறது. தீபிகா படுகோனே கதாநாயகியாக நடிக்கும் இப்படத்தை இரு பாகங்களாக தயாரிக்க திட்டமிட்டு வருகிறார்கள். இப்படத்தில் பாலிவுட் நடிகர் ஷாருக்கான் சிறப்புத் தோற்றத்தில் நடிக்கவுள்ளதாகவும், அதற்கான காட்சிகள் வெளிநாட்டில் படமாக்கப்பட உள்ளதாகவும் சமூக வலைதளங்களில் செய்திகள் பரவி வந்தன.

இருப்பினும் சமீபத்திய அறிக்கைகளின்படி இந்தத் தகவல்களில் எந்த உண்மையும் இல்லை என்பது தெரியவந்துள்ளது. ஜவான் படத்தின் வெற்றியைத் தொடர்ந்து அட்லிக்கும், ஷாருக்கானுக்கும் இடையே உள்ள நெருங்கிய நட்பு காரணமாகவே இந்த செய்தி தீயாகப் பரவியதாகக் கூறப்படுகிறது.

இதற்கிடையில் இப்படத்தின் படப்பிடிப்பு நாளை ஒரு மீண்டும் தொடங்கவுள்ளதாகத் தகவல்கள் தெரிவிக்கின்றன. இந்த படப்பிடிப்பில் அல்லு அர்ஜுன் மற்றும் தீபிகா படுகோனே பங்கு பெறும் ஒரு முக்கியக் காட்சி படமாக்கப்பட உள்ளதுடன், தீபிகாவின் பெரும்பாலான படப்பிடிப்பு பகுதிகள் நிறைவடையும் என்றும் எதிர்பார்க்கப்படுகிறது.

மேலும், இப்படத்தில் ராஷ்மிகா மந்தனா மற்றும் மிருணாள் தாக்கூர் ஆகியோரும் முக்கியக் கதாபாத்திரங்களில் நடிப்பதாகப் கூறப்படுகிறது. இருப்பினும், தயாரிப்பாளர்கள் தரப்பிலிருந்து இது குறித்து இன்னும் அதிகாரப்பூர்வ அறிவிப்பு எதுவும் வெளியாகவில்லை. இப்படத்திற்கு சாய் அபயங்கர் இசையமைக்கிறார்.