2026 - வசூல், லாபத்தில் முதலிடத்தில் 'தாய் கிழவி'
ADDED : 3 hours ago
2026ம் ஆண்டின் நான்கு மாதம் கடந்து போய்விட்டது. இந்த நான்கு மாதங்களில் வெளியான படங்களில் ஒரு சில படங்கள் மட்டுமே வசூல் ரீதியாக வெற்றிப் படங்களாக அமைந்தது. அவற்றில் 'தாய் கிழவி, யூத், வித் லவ், தலைவர் தம்பி தலைமையில்' ஆகிய படங்கள்தான் லாபகரமான படங்களாகவும் அமைந்தது என பாக்ஸ் ஆபீஸ் வட்டாரங்கள் தெரிவித்தன.
பொங்கலை முன்னிட்டு வெளிவந்த 'பராசக்தி' படம் 100 கோடி வசூல் தந்த படமாக இருந்தாலும் அந்தப் படம் லாபகரமான படமாக அமையவில்லை. அந்தப் படம் தவிர வேறு எந்தப் படமும் இதுவரையில் 100 கோடி வசூலைக் கடக்கவில்லை.
இந்நிலையில் 'தாய் கிழவி' படம் 75 நாட்களில் 90 கோடி வசூலித்ததாக நேற்று தயாரிப்பு நிறுவனம் அதிகாரப்பூர்வமாக அறிவித்தது. இதன் மூலம் இந்த ஆண்டில் லாபகரமான வசூல் தந்த படங்களில் 'தாய் கிழவி' தான் முதலிடத்தில் உள்ளது.
இதற்கடுத்து 82 கோடிகளுடன் 'யூத்' படம் இரண்டாவது இடத்திலும், 'வித் லவ்' படம் 39 கோடிகளுடன் அடுத்தடுத்த இடங்களில் உள்ளன. இவை அப்படங்களின் தயாரிப்பு நிறுவனங்கள் கடைசியாக அறிவித்தவை.
'தாய் கிழவி' படத்தின் லாபகரமான வசூலை இந்த வருடத்தில் அடுத்து வர உள்ள படங்கள் முறியடிக்கவும் வாய்ப்புகள் உள்ளது.