தெலுங்கு படத்தில் ஹீரோயினாக அறிமுகமாகும் ஜோவிகா!

கடந்த 2025ல் 'மிஸ்டர் அண்ட் மிஸஸ்' என்ற ஒரு படத்தை இயக்கி நடித்திருந்தார் வனிதா விஜயகுமார். அந்த படத்தை அவரது மகள் ஜோவிகா தயாரித்தார். அதையடுத்து ஜோவிகாவை ஹீரோயினாக நடிக்க வைக்க கதைகள் கேட்டு வந்தார் வனிதா விஜயகுமார். இந்த நிலையில் தற்போது தெலுங்கில் ஒரு படத்தில் ஹீரோயினாக அறிமுகமாக போகிறார் ஜோவிகா. அது குறித்த ஒரு போஸ்டரை அவர் தனது இன்ஸ்டா பக்கத்தில் வெளியிட்டுள்ள அவர், ஒரு பதிவும் போட்டுள்ளார்.

அந்த பதிவில், 'தெலுங்கில் எம்.எஸ்.ராஜு இயக்கும் 'அகதா' என்ற படத்தில் ஹீரோயினாக அறிமுகமாகிறேன். அவருடன் பணியாற்றுவது நான் என்றென்றும் போற்றி பாதுகாக்கும் ஒரு பொக்கிஷமாகும். குறிப்பாக, இவர் இயக்கிய 'தேவி, வருஷம், ஒக்கடு' இன்னும் பல படங்களை தொலைக்காட்சியில் திரும்பத் திரும்ப பார்த்து வளர்ந்தவள் நான். என் மீது நம்பிக்கை வைத்து என்னை ஹீரோயின் ஆக்கியதற்கு ராஜு அவர்களுக்கு என்றென்றும் நன்றி கடன் பட்டிருப்பேன். என் மீது நம்பிக்கை வைத்ததற்கு என் இதயத்தின் ஆழத்திலிருந்து நன்றி' என பதிவிட்டுள்ளார் ஜோவிகா. அதோடு, அகதா என்ற அப்படத்தின் போஸ்டரையும் அவர் வெளியிட்டுள்ளார்.