ஏப்ரல் 24ல் ‛சிவகாசி' உடன் ரீ ரிலீஸ் ஆகும் ‛ரன்'

கடந்த 2002ம் ஆண்டில் ஸ்ரீ சூர்யா மூவிஸ் தயாரிப்பில், லிங்குசாமி இயக்கத்தில், மாதவன், மீரா ஜாஸ்மின், ரகுவரன், விவேக், அதுல் குல்கர்னி ஆகியோர் இணைந்து நடித்து வெளிவந்த படம் 'ரன்'. மாதவனின் திரைப்பயணத்தில் அவரை ஆக் ஷன் ஹீரோ ஆக மாற்றியது ரன் படம் தான். அதேபோல் அந்த காலகட்டத்தில் வித்யாசாகர் இசையில் வெளியான இந்த படத்தின் பாடல்கள் அனைத்தும் ஹிட் அடித்தது.

24 வருடங்களுக்கு பிறகு வருகின்ற ஏப்ரல் 24ம் தேதியன்று ரன் படம் தமிழ்நாடு, கேரளா மற்றும் கர்நாடகா ஆகிய மாநிலங்களில் ரீ ரிலீஸாகிறது. இதனை ஜெகதம்பி நிறுவனம் வெளியிடுகின்றனர். இதில் ஒரு ஆச்சரியம் ஆன தகவல் என்னவென்றால் இதே தேதியில் தான் தயாரிப்பாளர் ஏ.எம். ரத்னம் தயாரிப்பில் உருவான சிவகாசி படமும் ரீ ரிலீஸாகிறது. ஆக ஒரே தயாரிப்பாளர் தயாரித்த இரு படங்கள் ஒன்றாக ரீ ரிலீஸ் ஆவது ஆச்சரியமாக உள்ளது.