மொத்தம் ஆறு மாடல்களில் வரும் இந்த கார், 59, 70, 79 கி.வாட்.ஹார்., என மூன்று பேட்டரி ஆற்றல்களில் கிடைக்கிறது. ஒரு சார்ஜில், குறைந்தபட்சம் 550 கிமீ வரை பயணிக்க முடியும். இதை, பாஸ்ட் சார்ஜர் வாயிலாக 80 சதவீதம் சார்ஜ் செய்ய, 20 நிமிடம் ஆகிறது.

பிரண்ட் வீல் டிரைவ் அமைப்பில் வரும் இந்த காரில், மூன்று டிஸ்ப்ளேக்கள் கொண்ட சொகுசான டூயல் டோன் கேபின், டால்பி அட்மாஸ் வசதியுடன் 16 ஸ்பீக்கர் சவுண்ட் சிஸ்டம், முதல் மற்றும் இரண்டாம் வரிசை வென்டிலேட்டட் சீட்டுகள், பின்புற ஸ்லைடிங், ரிக்லைன் சீட், வயர்லெஸ் சார்ஜிங் மற்றும் ஸ்மார்ட் போன் இணைப்பு வசதிகள், பேனராமிக் ஸ்கைரூஸ், அலங்கார விளக்குகள், 527 லிட்டர் பூட் ஸ்பேஸ், இரண்டாம் வரிசை பயணிகளுக்கு பிரத்தியேக டிஸ்ப்ளே உள்ளிட்ட பல அம்சங்கள் இடம் பெற்றுள்ளன.

பாதுகாப்புக்கு, ஏழு காற்று பைகள், அடாஸ் லெவல் 2 வசதி, 360 டிகிரி கேமரா, அனைத்து சக்கரங்களுக்கும் டிஸ்க் பிரேக் உள்ளிட்ட அம்சங்கள் வழங்கப்படுகின்றன.