இதற்கு முன்னர் ஷாருக்கான் நடிப்பில் வெளியான பதான் திரைப்படம் இங்கிலாந்து உள்ளிட்ட நாடுகளில் அதிக அளவில் டிக்கெட்கள் விற்பனையில் முன்னிலையில் இருந்தது. தற்போது பதானை மிஞ்சியுள்ளது லியோ. கடந்த மூன்று வாரங்களுக்கு முன்னர் அமெரிக்காவில் லியோ படத்திற்கான டிக்கெட் முன்பதிவு துவங்கியது. துவங்கிய உடனே 10 ஆயிரத்திற்கும் மேற்பட்ட டிக்கெட்கள் விற்றுத் தீர்ந்தன.

லியோவுக்கு இவ்வாறாக உள்நாடு மற்றும் வெளிநாடுகளில் அபரிமித வரவேற்பு உள்ள நிலையில் டிவிட்டர் உள்ளிட்ட சமூக வலைதளங்களில் விஜய் ரசிகர்கள் இஸ்லாமியர்களின் ரமலான் மாதக் கொண்டாட்டம் போல இந்த அக்டோபர் மாதம் முழுவதையும் லியோ மாதமாகக் கொண்டாடி வருகின்றனர். இதனையடுத்து தற்போது டிவிட்டரில் 'லியோ மந்த்' எனும் ஹேஷ்டேக் டிரெண்டாகி, ஒரு லட்சத்துக்கும் மேற்பட்ட நெட்டிசன்களால் பகிரப்பட்டு வருகிறது.