சுதந்திர தின உரையில் ஜிஎஸ்டி மறுசீரமைப்பு குறித்து பிரதமர் மோடி அறிவித்தார். தற்போதைய 5 %, 12%, 18%, 28% என்ற நான்கு வரி அடுக்குகள், 5 மற்றும் 18 % என்ற இரண்டு அடுக்குகளாகக் குறைக்கப்பட உள்ளன. இது தொடர்பாக பல்வேறு முக்கிய தகவல்கள் வெளியாகி உள்ளன.

இந்நிலையில், முதல்வர் ஸ்டாலின் வெளியிட்ட அறிக்கையில் கூறியுள்ளதாவது: மாநிலங்களின் வருமானத்தை பாதுகாக்காமல், ஜிஎஸ்டி சீர்திருத்தம் மக்களுக்கு சேவையாற்றாது.

* மத்திய அரசு முன்மொழிந்துள்ள ஜிஎஸ்டி சீர்திருத்தம் குறித்து,எதிர்க்கட்சிகள் ஆளும் எட்டு மாநிலங்களின் நிதியமைச்சர்கள், டில்லியில் ஒன்று கூடி ஆலோசனை நடத்தினர்.

* சீர்திருத்தத்தின் நோக்கத்தை நாங்கள் வரவேற்கிறோம். அதேநேரத்தில், எந்தவொரு வரிக்குறைப்பும், மக்கள் நலத்திட்டங்கள் மற்றும் உள்கட்டமைப்புக்கு முக்கியமான மாநில அரசுகளின் வருமானத்தை பாதிக்கக்கூடாது என வலியுறுத்தினோம். வரிக்குறைப்பின் பலன்கள் நேரடியாக ஏழை மக்களை நேரடியாக சென்றடைய வேண்டும்.

* வருவாய் நலன்களைப் பாதுகாக்கவும், நியாயமான முடிவுகளை உறுதி செய்யவும் அனைத்து மாநிலங்கள் மற்றும் மத்திய அரசின் ஆதரவைக் கோரி ஒரு மித்த கருத்து வரைவு உருவாக்கப்பட்டு ஜிஎஸ்டி கவுன்சில் முன் வைக்கப்படும்.

இவ்வாறு அந்த அறிக்கையில் ஸ்டாலின் கூறியுள்ளார்.