கார்த்திகை தீப திருவிழாவை முன்னிட்டு திருநெல்வேலி -- திருவண்ணாமலை இடையே சிறப்பு ரயிலை தெற்கு ரயில்வே அறிவித்துள்ளது.

டிச., 3 இரவு 9:30 மணிக்கு திருநெல்வேலியில் இருந்து புறப்படும் சிறப்பு ரயில் (06075), மறுநாள் காலை 8:30 மணிக்கு திருவண்ணாமலை செல்லும்.

மறுமார்க்கத்தில் டிச., 4 இரவு 7:55 மணிக்கு புறப்படும் சிறப்பு ரயில் (06076), மறுநாள் காலை 8:30 மணிக்கு திருநெல்வேலி செல்லும்.

கோவில்பட்டி, சாத்தூர், விருதுநகர், அருப்புக்கோட்டை, மானாமதுரை, சிவகங்கை, காரைக்குடி, புதுக்கோட்டை, திருச்சி, விருத்தாச்சலம், விழுப்புரம் வழியாக செல்லும்.

ஒரு 'ஏசி' இரண்டடுக்கு படுக்கை வசதிப் பெட்டி, 2 'ஏசி' மூன்றடுக்கு படுக்கை வசதி பெட்டிகள், 9 'ஸ்லீப்பர்' பெட்டிகள், 4 பொதுப் பெட்டிகள், 2 மாற்றுத்திறனாளிகளுக்கான பெட்டிகளுடன் இயக்கப்படும்.

இதற்கான முன்பதிவு துவங்கியது.