தமிழகம் முழுவதும் வரைவு வாக்காளர் பட்டியலை, இன்று(அக்.,29) தேர்தல் கமிஷன் வெளியிட்டது. 2025ம் ஆண்டு வரைவு வாக்காளர் பட்டியலின் படி, தமிழகத்தில் தற்போது 6.27 கோடி வாக்காளர்கள் உள்ளனர். ஆண்களை விட பெண் வாக்காளர்கள் தான் அதிகம். இதில்,

* ஆண்கள் - 3.07 கோடி,

* பெண்கள் - 3.19 கோடி,

* 3ம் பாலினத்தவர் - 8,964 பேர்.

அதிகபட்சமாக செங்கல்பட்டு மாவட்டத்தின், சோழிங்கநல்லூர் தொகுதியில் 6.76 லட்சம் வாக்காளர்கள் உள்ளனர். இதில்,

* ஆண்கள்- 3.38 லட்சம் பேர்,

* பெண்கள் - 3.37 லட்சம் பேர்,

* 3ம் பாலினத்தவர் - 125 பேர்.

குறைந்தபட்சமாக, நாகப்பட்டினம் மாவட்டத்தில் உள்ள, கீழ்வேளூர் தொகுதியில் 1.73 லட்சம் வாக்காளர்கள் உள்ளனர். இதில்,

* ஆண்கள்- 85,065 பேர்,

* பெண்கள் - 88,162 பேர்,

* 3ம் பாலினத்தவர் - 3 பேர்.

அனைத்து மாவட்டங்களிலும் நிர்ணயிக்கப்பட்ட அமைவிடங்களில் ஒருங்கிணைந்த வரைவு வாக்காளர்கள் பட்டியல்கள் வெளியிடப்பட்டுள்ளன.

வாக்காளர்கள் பட்டியல் https://www.elections.tn.gov.in/ என்ற இணையதளத்தில் வெளியிடப்பட்டுள்ளன. மாவட்ட தேர்தல் அதிகாரிகளால் வாக்காளர் பட்டியலின் இரண்டு நகல்கள் அங்கீகரிக்கப்பட்ட அரசியல் கட்சியினருக்கு வழங்கப்படும்.