கடன் சுமையை தவிர்த்திருக்கலாம்

கே.எம்.ஆர்.கார்த்திகேயன், செயலாளர், அனைத்து வியாபாரிகள் சங்கம். விருதுநகர்: மகளிர் உரிமை, புதுமைப்பெண் திட்டங்களுக்கு நிதி ஒதுக்கியது வரவேற்கதக்கது. இதன் மூலம் மக்கள் மத்தியில் பணப்புழக்கம் அதிகரிக்கும். பெண்களின் உயர்கல்வி உறுதி செய்யப்படும். தொழில் வளர்ச்சியை பொறுத்த வரையில் பல நிறுவனங்களைதமிழகத்தில் முதலீடு செய்ய வரவேற்றதாக கூறுகின்றனர். புரிந்துணர்வு ஒப்பந்தம் போட்டுள்ளதாக கூறும் நிலையில், முதலீடு அதிகரித்தால் பணப்புழக்கமும் அதிகரிக்கும். இதன் மூலம் கடைநிலை தொழிலாளர்களின் வேலைவாய்ப்பும் அதிகரிக்கும். விவசாயத்தை பற்றி பெரிதாக அறிவிப்பு இல்லை. இந்த பட்ஜெட்டின் மதிப்பு ரூ.மூன்றரை லட்சம் கோடி. இதில் 1.35 லட்சம் கோடி கடன். இவ்வாறு கடன் சுமையை அதிகரிப்பதை தவிர்த்திருக்கலாம்.