ஊத்துக்கோட்டை - வேளகாபுரம் சாலையில், மாம்பாக்கம் கிராமத்திற்கு செல்லும் முன், இடதுபுறம் சாலையில் வடதில்லை கிராமம் அமைந்துள்ளது. முக்கிய சாலையில் இருந்து 3 கி.மீ., துாரத்தில் உள்ளது.

இந்த 3 கி.மீட்டர் துார சாலை மேடு, பள்ளமாக உள்ளது. பெரும்பாலான இடங்களில் ஜல்லிக் கற்கள் பெயர்ந்து, போக்குவரத்திற்கு லாயக்கற்ற நிலையில் உள்ளது. இச்சாலையில் செல்லும் இருசக்கர வாகன ஓட்டிகள் விபத்தில் சிக்கி காயமடைந்து வருகின்றனர். சில நேரங்களில் டயர்கள் பஞ்சராகி விடுகிறது.

பாதசாரிகள் நடப்பதற்கு மிகவும் கஷ்டப்படுகின்றனர். எனவே, கலெக்டர் உடனடியாக நடவடிக்கை எடுத்து, வடதில்லை கிராமத்திற்கு செல்லும் சாலையை சீரமைக்க நடவடிக்கை எடுக்க வேண்டும் என, அப்பகுதிவாசிகள் கோரிக்கை விடுத்துள்ளனர்.