மாற்றத்தை நோக்கி அளித்த ஓட்டு

ஆர்.ஹரிதா தர்ஷினி, இன்ஜி., மாணவி, சிவகங்கை: இளைஞர்கள் அதிகளவில் ஓட்டளிப்பதில் ஆர்வம் செலுத்தி வருகிறோம். ஒரு மாற்றத்தை விரும்பி ஓட்டளித்தேன். பழைய நடைமுறை இன்றி இளைஞர்கள் எதிர்பார்ப்பை பூர்த்தி செய்யும் விதத்தில் ஓட்டளிக்கிறோம். குடும்பத்தில் கூட ஆலோசனை செய்வதில்லை. இன்றைய இளைஞர்களுக்கு யார் நல்லது செய்கிறார்கள் என்பதை நாங்களே ஆராய்ந்து வைத்துள்ளோம். நான் அளித்த ஓட்டு மூலம் வெற்றி பெறும் எம்.பி., நம் தேவையை அறிந்து பணி செய்வார் என நம்புகிறேன். நாடு மற்றும் இளைஞர்கள் வளர்ச்சி, வேலை வாய்ப்பிற்கு முக்கியத்துவம் தரும் அரசு அமைய வேண்டும் என்ற நோக்கத்தில் ஓட்டளித்தேன்.