ஓசூர், கிருஷ்ணகிரி மாவட்டம், ஓசூர் மதுவிலக்கு அமல்பிரிவு இன்ஸ்பெக்டர் பிரகாஷ் மற்றும் போலீசார், தமிழக எல்லையான ஜூஜூவாடி சோதனைச்சாவடியில் நேற்று முன்தினம் மதியம் வாகன சோதனை நடத்தினர். பெங்களூருவிலிருந்து கோவைக்கு சென்ற, 'சன்லைன்' என்ற தனியார் சொகுசு ஆம்னி பஸ்சை நிறுத்தி சோதனை செய்தனர். அதில் பயணம் செய்த திண்டுக்கல் மாவட்டம், தெ.பண்ணைப்பட்டி அருகே சந்தமநாயக்கன்பட்டியை சேர்ந்த தர்மராஜ், 26, என்பவர், 90,000 ரூபாய் மதிப்புள்ள, 9 கிலோ கஞ்சாவை கடத்தி செல்வது தெரிந்தது.