தேசிய பாரம்பரிய மீனவர்கள் கூட்டமைப்பு ஒருங்கிணைப்பாளர் சின்னத்தம்பி கூறியதாவது:

ராமேஸ்வரம் தங்கச்சிமடம் மீனவர் நெடிசோ, கன்னியாகுமரி மாவட்டம் கீழமணக்குடி மீனவர் அனீஷ், ஆரோக்கியபுரம் மீனவர் விஜய் ஆகியோர் அரபு நாடான குவைத்துக்கு மீன் பிடி தொழிலுக்காக சென்றவர்கள் 3 ஆண்டுகளாக அங்கு கொத்தடிமைகளாக நடத்தப்பட்டனர்.

இவர்களை மீட்க பல்வேறு முயற்சிகள் எடுக்கப்பட்டது. 3 மீனவர்களும் உயிருக்கு பயந்து குவைத்தில் இருந்து சிறிய மீன் பிடி படகில் 10 நாட்கள்கடலில் 3000 கி.மீ., பயணித்து மும்பை தப்பி வந்தனர். அங்குள்ள போலீசார் அவர்களை கைது செய்து 5 நாட்கள் விசாரணைக்குப் பின் மும்பை சிறையில் அடைத்தனர்.

கன்னியாகுமரியை சேர்ந்த பசலையான், விஜய் வசந்த் எம்.பி., ஆகியோர் மேற்கொண்ட பல்வேறு சட்டப்போரட்டங்களின் மூலமாக 3 மீனவர்கள் இன்று விடுதலை செய்யப்பட்டுள்ளனர்.

இவர்கள் மூவரும் நேற்று (பிப்.,18) இரவு விமானம்மூலம் கொச்சின்வந்தனர். அங்கிருந்து கன்னியாகுமரி வந்தனர். மீனவர்கள் விடுதலைக்கு உதவிய அனைவருக்கும் நன்றி என்றார்.