தபால் ஆயுள் காப்பீடு மற்றும் கிராமிய ஆயுள் காப்பீடு ஆகியவற்றில் வாடிக்கையாளர்களின் புகார் மற்றும் சந்தேகங்களுக்கு சிறப்பு குறை தீர்க்கும் முகாம் ஜன.,3 வரை நடைபெற உள்ளது. இது குறித்து திருவாடானை தபால் நிலைய அலுவலர்கள் கூறியதாவது:

திருவாடானை தலைமை தபால் அலுவலகத்தில் காப்பீடு தொடர்பான குறைகள், பிரீமியம் செலுத்துதல் பற்றிய விபரங்கள், பாலிசி திருத்தம், பாலிசி புதுப்பிப்பு ஆகிய சேவைகள் வழங்கப்படுகின்றன. தபால் ஆயுள் காப்பீடு, கிராமிய ஆயுள் காப்பீடு பாலிசி வைத்திருப்பவர்கள் காலை 10:00 முதல் மாலை 5:00 மணி வரை நடக்கும் முகாமில் பங்கேற்று குறைகளை தெரிவிக்கலாம்.

ஆதியூர், அஞ்சுகோட்டை, கொட்டகுடி, திருவெற்றியூர், தினையத்துார் ஆகிய கிளை தபால் அலுவலகங்களுக்கும் சென்று குறைகளை தெரிவிக்கலாம். ஜன.,3 வரை முகாம் நடைபெறும் என்றனர்.