இதுகுறித்து, நாமக்கல் கால்நடை மருத்துவ கல்லுாரி, வானிலை ஆய்வு மையம் வெளியிட்டுள்ள செய்திக்குறிப்பு: நாமக்கல் மாவட்டத்தில், பல இடங்களில் கடந்த வாரம் லேசானது முதல் மிதமான மழை பெய்தது. பகல் நேர வெப்பநிலை அதிகரித்து காணப்பட்டது. இன்று முதல், 14ம் தேதி வரை அதிகபட்சம் பகல்நேர வெப்பநிலை, 32 டிகிரி செல்ஷியஸ் முதல், 36 செல்ஷியஸ் வரை இருக்கும். குறைந்தபட்ச இரவு நேர வெப்பநிலை, 22 டிகிரி செல்ஷியஸ் முதல், 25 டிகிரி செல்ஷியஸ் வரை இருக்கும். வானம் மேகமூட்டத்துடன் காணப்படும்.

காற்றின் ஈரப்பதம், 50 முதல் 90 சதவீதம் வரை இருக்கும். காற்றின் வேகம் மேற்கு மற்றும் தென்மேற்கு திசையில் இருந்து மணிக்கு, 8 முதல், 12 கி.மீ., வேகத்தில் வீசக்கூடும். இன்று, 14 மி.மீ., நாளை, 12 மி.மீ., 12ம் தேதி, 11 மி.மீ., 13ம் தேதி, 3 மி.மீ., வரை மழை பெய்ய வாய்ப்பு உள்ளது. 14ம் தேதி மழை பெய்ய வாய்ப்பு இல்லை. மாவட்டத்தில் கொல்லிமலை பகுதியில் அதிக மழை பெய்ய வாய்ப்புள்ளது.

இவ்வாறு அதில் தெரிவிக்கப்பட்டுள்ளது.