குமாரபாளையம்: குமாரபாளையம் அருகே, மேட்டுக்கடையில் நீதிமன்ற கட்டடம் கட்ட அரசு அனுமதி வழங்கியுள்ளதாக, பொய் பிரசாரம் செய்த நபர்கள் மீது நடவடிக்கை கோரி, வக்கீல்கள் சங்கத்தினர் போலீசில் புகாரளித்தனர். இதுகுறித்து, வக்கீல் சங்க தலைவர் சரவணராஜன் கூறியதாவது: குமாரபாளையம் நகரில் பல இடங்களில் வைக்கப்பட்டுள்ள பிளக்ஸ் போர்டுகளில், திருச்செங்கோடு ரோட்டில் உள்ள மேட்டுக்கடை என்ற இடத்தில், தமிழக அரசும், சென்னை உயர்நீதிமன்றமும், குமாரபாளையம் வட்டத்திற்கு நிரந்தர நீதிமன்ற கட்டடம் கட்ட அனுமதி வழங்கியதாக பொய்யாக குறிப்பிட்டு வைத்துள்ளனர்.