பெங்களூரில் இருந்து வேளாங்கண்ணி நோக்கிச் சென்ற தனியார் ஆம்னி பஸ் மயிலாடுதுறை மாவட்டம் குத்தாலம் தாலுகா மாந்தை அய்யனார்குடி நாட்டாறு சட்ரஸ் அருகே வந்தபோது டிரைவரின் கட்டுப்பாட்டை இழந்து ஆற்றின் கரையோரம் இருந்த மின் கம்பம் மற்றும் டூவீலர்கள் மீது மோதி கவிழ்ந்து விபத்துக்குள்ளானது. இந்த விபத்தில் பஸ்சில் பயணித்த 30 பேர் காயமடைந்தனர்.

அனைவரும் ஆம்புலன்ஸ் மூலம் அருகில் உள்ள அரசு மருத்துவமனைகளில் சிகிச்சைக்காக சேர்க்கப்பட்டுள்ளனர். இதில் படுகாயம் அடைந்த 5 பேர் மேல் சிகிச்சைக்காக மயிலாடுதுறை அரசு மருத்துவமனைக்கு கொண்டு செல்லப்பட்டுள்ளனர். தகவல் அறிந்த பாலையூர் போலீசார் விரைந்து வந்து மீட்பு பணிகளை மேற்கொண்டதுடன் விபத்துக்கான காரணம் குறித்து விசாரிக்கின்றனர்.

தப்பி சென்ற தனியார் ஆம்னி பஸ் டிரைவர், கண்டக்டரை தேடி வருகின்றனர்.