மேலுாரில் இருந்து காரைக்குடி, தஞ்சாவூர் பகுதிகளுக்கு நாவினிப்பட்டியை கடந்து செல்ல வேண்டும். இவ்வூரில் பஸ்களை நிறுத்த டிரைவர்கள் மறுக்கின்றனர். இதுகுறித்து பயணிகள் கேட்கும்போது கடுமையான வார்த்தைகளால் டிரைவர், கண்டக்டர்கள் பதில் கூறுகின்றனர்.

சமூக ஆர்வலர் சம்சுதீன்: இங்கு பஸ்களை நிறுத்த கும்பகோண கோட்ட மேலாளர் 2019ல் உத்தரவிட்டுள்ளார். அதை அனைத்து கிளை மேலாளர்களுக்கும் அனுப்பியுள்ளார். இருந்தபோதிலும் டிரைவர்கள் நிறுத்த மறுக்கின்றனர்.

நாவினிபட்டியை சேர்ந்தவர்களை நிறுத்தத்திற்கு அப்பால் 4 கி.மீ., தொலைவில் உள்ள மேலுாரில் இறக்கி விடுகின்றனர்.

அதனால் பயணிகள் ஆட்டோ பிடித்து வரவேண்டியுள்ளது என்றார்.

கோட்ட மேலாளர் நாகராஜன் கூறுகையில், நாவினிபட்டியில் பயணிகளை இறக்கிவிட மறுக்கும் டிரைவர்கள் மீது நடவடிக்கை எடுக்கப்படும் என்றார்.