மதுரை: மதுரை லோக்சபா தொகுதி பா.ஜ., வேட்பாளர் ராம சீனிவாசனை ஆதரித்து மத்திய உள்துறை அமைச்சர் அமித்ஷா இன்று (ஏப்.,12) மாலை 'ரோடு ஷோ' நடத்துகிறார். இதற்காக நேதாஜி ரோட்டில் பலத்த போலீஸ் பாதுகாப்பு போடப்பட்டுள்ளது. ரோடு ஷோ நடைபெறும் வழித்தடத்தில் 5 இடங்களில் கலை நிகழ்ச்சிகள் நடத்த அனுமதிக்க உத்தரவிடக்கோரி பா.ஜ., சார்பில் உயர்நீதிமன்ற மதுரைக்கிளையில் அவசர வழக்கு தாக்கல் செய்யப்பட்டது.