கிருஷ்ணகிரி:கருணாநிதி நுாற்றாண்டு விழாவையொட்டி, கிருஷ்ணகிரி மாவட்ட அரசு அருங்காட்சியகத்தில், நேற்று ஊத்தங்கரை அதியமான் மகளிர் கல்லுாரி மாணவியர், 35 பேருக்கு, ஒரு நாள் தொல்லியல் கருத்தரங்கம் நடத்தப்பட்டது. இதில், அருங்காட்சிய காப்பாட்சியர் கோவிந்தராஜ், தொல்லியல், வரலாற்றுக்கு முற்பட்ட காலம், கல்வெட்டியல், கட்டடக்கலை மற்றும் சிற்பக்கலை போன்றவற்றை விளக்கிக்கூறி, தமிழ் எழுத்துக்களின் தோற்றம், கல்வெட்டுகளைப் படியெடுத்து படித்தல் ஆகியவற்றை கற்பித்தார்.