குளித்தலை;குளித்தலை அடுத்த பாப்பையம்பாடி கிராமத்தை சேர்ந்தவர் விஜயலட்சுமி, 44; கூலி தொழிலாளி. இவரது மகன் முத்துமணி, 18. வெள்ளியனை தனியார் கல்லுாரியில், பி.காம்., முதலாம் ஆண்டு படித்து வந்தார். நேற்று முன்தினம் மதியம், 2:00 மணிக்கு, பாப்பையம்பாடி மதுரை வீரன் கோவில் அருகே உள்ள கிணற்றில் நண்பர்களுடன் நீச்சல் பழகி கொண்டிருந்தார். படியில் நின்றிருந்த முத்துமணி கால் தவறி கிணற்றுக்குள் விழுந்தார். நீச்சல் தெரியாததால் தண்ணீரில் மூழ்கி உயிரிழந்தார்.