கன்னியாகுமரி மாவட்டம், நாகர்கோவில் அருகே தேரேகால் புதுார் வெள்ளாளர் தெருவை சேர்ந்தவர் தினேஷ், 25. இவரது உறவினர் அதே பகுதியை சேர்ந்த இசக்கியப்பன், 25. இருவரும் எலக்ட்ரீஷியன் வேலை செய்து வந்தனர்.

நேற்று முன்தினம் இரவு, இருவரும் டூ - வீலரில் மார்க்கெட் பகுதியில் உள்ள டீக்கடைக்கு சென்றனர். டீ குடித்து விட்டு புறப்பட்ட போது, அவ்வழியாக வந்த லாரி டூ - வீலரில் உரசியது.

இதில், நிலைதடுமாறி இருவரும் கீழே விழுந்த போது, லாரியின் பின் சக்கரம் ஏறி இறங்கியதில் உடல் நசுங்கி சம்பவ இடத்திலேயே இருவரும் பலியாகினர்.

நாகர்கோவில் போக்குவரத்து போலீசார் விசாரிக்கின்றனர்.