மாவட்டத்தில், 18 வயது முதல் 19 வயது வரையிலான முதல் முறை வாக்காளர்கள் 36,679 பேர், இந்த லோக்சபா தேர்தலில், வரும் 19ம் தேதி ஓட்டளிக்க உள்ளனர்.

இதில், சோழிங்கநல்லுாரில் 8,118, பல்லாவரத்தில் 4,817, தாம்பரத்தில் 4,795, செங்கல்பட்டில் 5,648, திருப்போரூரில் 5,508, செய்யூர் - தனி 3,580, மதுராந்தகம் - தனி 4,213 பேர் என, மொத்தம் 36,679 முதல் முறை ஓட்டளிக்கும் வாக்காளர்கள் உள்ளனர்.

அதோடு, 20 வயது முதல் 29 வயது வரையிலான வாக்காளர்கள் 4 லட்சத்து 18 ஆயிரத்து 646 பேர் உள்ளனர். 30 வயது முதல் 39 வயது வரையிலான வாக்காளர்கள் 6 லட்சத்து 29 ஆயிரத்து 173 பேர் உள்ளனர்.

அதே போல், 40 வயது முதல் 49 வரையிலான வாக்காளர்கள் 6 லட்சத்து 42 ஆயிரத்து 199 பேரும், 50 வயது முதல் 59 வயது வரையிலான வாக்காளர்கள் 4 லட்சத்து 41 ஆயிரத்து 203 பேரும் உள்ளனர்.

முதியோரில், 60 வயது முதல் 69 வயது வரையிலான வாக்காளர்கள் 2 லட்சத்து 86 ஆயிரத்து 603 பேர் உள்ளனர். 70 வயது முதல் 79 வயது வரையிலான வாக்காளர்கள் 1 லட்சத்து 54 ஆயிரத்து 672 பேர் உள்ளனர். அது மட்டுமின்றி, 80 வயதுக்கு மேற்பட்ட வாக்காளர்கள், 57,823 பேர் உள்ளனர்.

முதல் முறை ஓட்டளிக்க உள்ளவர்கள் மற்றும் இளைஞர்கள், மத்தியில் நிலையான ஆட்சி வர வேண்டும் என்பதையே விரும்புகின்றனர்.