உளுந்துார்பேட்டை அடுத்த பெரும்பாக்கம் பகுதியில் தடை செய்யப்பட்ட குட்கா பொருட்கள் விற்பதாக போலீசாருக்கு தகவல் கிடைத்தது. அதன்பேரில் திருநாவலுார் சப்இன்ஸ்பெக்டர் பிரபாகரன் மற்றும் போலீசார் அப்பகுதியில் உள்ள கடையில் சோதனை செய்தனர். அப்போது, அதே பகுதியைச் சேர்ந்த வீரப்பன், 55; நடத்தி வரும் பெட்டி கடையில் தடை செய்யப்பட்ட ஹான்ஸ் விற்பது தெரியவந்தது. கடையில் இருந்து 6 கிலோ குட்கா பறிமுதல் செய்து, வீரப்பனை கைது செய்தனர்.

வீரப்பனிடம் நடத்திய தீவிர விசாரணையில், கடலுார் மாவட்டம் பண்ருட்டி அடுத்த தட்டஞ்சாவடி பகுதியைச் சேர்ந்த முகமது யூசுப், 44; கடலுார் மாவட்டம் பண்ருட்டி, கடலுார் மெயின் ரோடு பகுதியைச் சேர்ந்த முகமதுஅன்சாரி, 58; ஆகியோரிடம் ஹான்ஸ் வாங்கி விற்பனை செய்தது தெரிய வந்தது.

அதன் பேரில் முகமதுயூசுப், முகமதுஅன்சாரி ஆகியோரையும் கைது செய்தனர். இருவரிடம் இருந்து 99 கிலோ குட்கா உள்ளிட்ட புகையிலை பொருட்களை பறிமுதல் செய்தனர்.