தடப்பள்ளி - அரக்கன்கோட்டை பாசனங்களின், முதல் போக சாகுபடிக்கு நேற்று தண்ணீர் திறந்தது குறித்து, கொடிவேரி அணை - பவானி நதி பாசன விவசாயிகள் சங்கத்தலைவர் சுபி தளபதி கூறியதாவது: ஏப்.,15ல் தண்ணீர் திறந்திருக்க வேண்டும். பவானிசாகர் அணையில், 70 அடி தண்ணீர் இருப்பு இருந்தும், தாமதமாக தற்போது தண்ணீர் திறக்கப்பட்டுள்ளது. இதை நாங்கள் பருவம் தவறிய நீர் திறப்பாகவே கருதுகிறோம். இனிவரும் காலங்களில், ஏப்.,15ல் நீர் திறக்க வேண்டும். கொடிவேரி தடுப்பணையின், 536 ஆண்டு வரலாற்று விதிகளை, நீர்வள ஆதாரத்துறை, மாவட்ட நிர்வாகம் பின்பற்ற வேண்டும். குடிமராமத்து மற்றும் துார்வாரும் பணிகளை முன்கூட்டியே முடிக்க வேண்டும்.