புன்செய்புளியம்பட்டி, விளாமுண்டி வனப்பகுதியில் இருந்து வெளியேறிய ஒரு சிறுத்தை, புன்செய் புளியம்பட்டி அருகே மாராயிபாளையம் கிராமத்தில் பட்டப்பகலில் புகுந்தது. ஆடுகளை அடித்து கொன்றதோடு, அங்குள்ள மலைக் குன்றில் பதுங்கியது. மக்கள், விவசாயிகள் புகாரை தொடர்ந்து வனத்துறையினர் அப்பகுதியில் ஆய்வில் ஈடுபட்டதில், சிறுத்தை என்பதை நேற்று முன்தினம் உறுதி செய்தனர். இந்நிலையில் அன்றிரவே அதி நவீன டிரோன் கேமரா மூலம், குன்று பகுதியில் தேடுதல் பணி நடந்தது. இதில் சிறுத்தை நடமாட்டம் அங்கு பதுங்கியிருப்பது உறுதி செய்யப்பட்டது. இதனால் இரவு நேரங்களில் மக்கள் வீட்டை விட்டு வெளியே வர வேண்டாம் என வனத்துறையினர் அறிவுறுத்தியுள்ளனர்.