பழநி, : பழநி கோயிலில் சில நாட்களுக்கு முன் எடப்பாடி சேர்ந்த பக்தர் ஒருவர் கோயில் ஊழியர்களால் தாக்கப்பட்டார். இதை கண்டித்து ஹிந்து முன்னணி மாநில தலைவர் காடேஸ்வரா சுப்பிரமணியம் தலைமையில் நேற்று மாலை பழநி பஸ்ஸ்டாண்ட் மயில் ரவுண்டான அருகே கண்டன ஆர்ப்பாட்டம் நடந்தது. ஹிந்து முன்னணி மாநில செயலாளர்கள் செந்தில், முத்துக்குமார், மாநில பொதுச் செயலாளர் கிஷோர் குமார், ஹிந்து முன்னணி மதுரை கோட்ட செயலாளர் பாலன், மாவட்ட துணைத் தலைவர் ராஜா, மாவட்ட செயற்குழு உறுப்பினர்கள் இளம்பரிதி, அஜித் குமார், ஹிந்து வியாபாரிகள் நலச்சங்க மாநில செயலாளர் ஜெகன் பங்கேற்றனர்.