கோவை; கோவை மண்டலத்துக்கு உட்பட்ட மின்வாரியத்தில், கோவை மாநகர், வடக்கு, தெற்கு, திருப்பூர், பல்லடம், உடுமலை, நீலகிரிஎன ஏழு வட்டங்கள் செயல்படுகின்றன. மண்டலத்தில், 2,851 கேங்கேன்கள் பணிபுரிகின்றனர். இதில், 2,000த்துக்கும் மேற்பட்டோர், ஊர் மாறுதலுக்கு விண்ணப்பித்தும், 200 பேருக்கு மட்டும் தான் மாறுதல் உத்தரவு வந்திருக்கிறது. இரண்டு மாதங்கள் கடந்தும், வடக்கு வட்டத்தில் இருக்கிற ஒரு சிலருக்கு மட்டும் தான், மாறுதல் வழங்கப்பட்டுள்ளது. இது, மற்ற வட்டங்களில் இருக்கக் கூடிய கேங்மேன்கள் மத்தியில் அதிருப்தியை ஏற்படுத்தியுள்ளது.