பொள்ளாச்சி, கிணத்துக்கடவு பகுதிகளில் விவசாயம் பிரதானமாக மேற்கொள்ளப்படுகிறது. இப்பகுதி காய்கறி சாகுபடியை விவசாயிகள் ஆர்வத்துடன் மேற்கொள்கின்றனர். இதில் வாழை சாகுபடி அதிகளவில் இடம் பெறுகிறது.

இந்நிலையில், கிணத்துக்கடவு தினசரி மார்க்கெட்டில் நேற்று செவ்வாழை (ஒரு கிலோ) - 70, நேந்திரன் 25, கதளி - 32, பூவன் - 35, ரஸ்தாளி - 50 மற்றும் சாம்பிராணி வகை வாழைத்தார் - 47 ரூபாய்க்கு விற்பனையானது.

கடந்த வாரத்தை காட்டிலும் தற்போது செவ்வாழை (ஒரு கிலோ) மற்றும் பூவன் - 5, ரஸ்தாளி - 10 ரூபாய் விலை அதிகரித்துள்ளது. இதே போன்று கதளி 8 ரூபாயும், சாம்பிராணி வகை வாழைத்தார் - 3 ரூபாய் விலை குறைந்துள்ளது.

இதுகுறித்து வியாபாரிகள் கூறுகையில், 'நேற்று கிணத்துக்கடவு தினசரி மார்க்கெட்டில், 50க்கும் குறைவான வாழைத்தார்கள் மட்டுமே வரத்து இருந்தது. பொங்கல் பண்டிகை வர இருப்பதால் அடுத்த வாரம் விலையில் மாற்றம் ஏற்பட வாய்ப்புள்ளது' என்றனர்.