மாநகராட்சி நிர்வாகத்தின் கீழ் உள்ள 148 பள்ளிகளில், 11 உயர்நிலை மற்றும் 17 மேல்நிலைப் பள்ளிகள் செயல்பட்டு வருகின்றன.

கடந்த ஆண்டு பிளஸ் 2 பொதுத்தேர்வில், 1,640 மாணவர்கள் தேர்வு எழுதியதில், 1,557 பேர் தேர்ச்சி பெற்று, 94.94 சதவீதம் தேர்ச்சி பதிவானது. பத்தாம் வகுப்பு தேர்ச்சி விகிதமும், 7.58 சதவீதம் அதிகரித்திருந்தது.

இந்நிலையில், 2025--2026 கல்வியாண்டில் மாணவர் தேர்ச்சி விகிதத்தை மேலும் அதிகரிக்க, 100 சதவீத தேர்ச்சிக்கு, மாநகராட்சி நிர்வாகம் இலக்கு நிர்ணயித்துள்ளது. இதற்காக, மத்திய மண்டலம் மற்றும் மேற்கு மண்டலத்துக்குட்பட்ட மாநகராட்சிப் பள்ளி ஆசிரியர்களுடன், கமிஷனர் சிவகுரு பிரபாகரன் ஆய்வுக் கூட்டம் நடத்தினார்.

இக்கூட்டங்களில், பொதுத்தேர்வு எழுதவுள்ள மாணவர்களின் தற்போதைய கற்றல் நிலை, வகுப்பு தேர்வுகளில் அவர்களின் செயல்பாடு, காலாண்டு மற்றும் பருவ தேர்வுகளில் அவர்கள் பெற்றுள்ள மதிப்பெண்கள் ஆகியவை குறித்து, விரிவாக ஆய்வு செய்யப்பட்டது.

கொஞ்சம் முன்னாடியே சொன்னால் நல்லாருக்கும்! ஆய்வுக் கூட்டங்கள் நடைபெறும் நாள் குறித்து, தங்களுக்கு முன்கூட்டியே அறிவித்தால், அனைத்து ஆசிரியர்களும் தவறாமல் கூட்டத்தில் பங்கேற்க வாய்ப்பாக அமையும் என, ஆசிரியர்கள் தரப்பில் கோரிக்கை விடுக்கப்பட்டுள்ளது.

கொஞ்சம் முன்னாடியே

சொன்னால்

நல்லாருக்கும்!

ஆய்வுக் கூட்டங்கள் நடைபெறும் நாள் குறித்து, தங்களுக்கு முன்கூட்டியே அறிவித்தால், அனைத்து ஆசிரியர்களும் தவறாமல் கூட்டத்தில் பங்கேற்க வாய்ப்பாக அமையும் என, ஆசிரியர்கள் தரப்பில் கோரிக்கை விடுக்கப்பட்டுள்ளது.