இந்திய பல்கலைகளின் கூட்டமைப்பு ஆதரவில், அகில இந்திய பல்கலைகளுக்கு இடையிலான பெண்கள் வாலிபால் போட்டிகள், காட்டாங்கொளத்துாரில் நடந்து வருகின்றன.

நேற்று காலை, காலிறுதி ஆட்டங்கள் நடந்தன. முதல் காலிறுதியில் எஸ்.ஆர்.எம்., பல்கலை - பாரதியார் பல்கலை அணிகள் மோதின.

துவக்கம் முதல், ஆட்டத்தை முழுமையாக கட்டுப்பாட்டில் வைத்த எஸ்.ஆர்.எம்., அணி, 25 - 19, 25 - 18, 25 - 18 என்ற நேர் செட் கணக்கில் வெற்றி பெற்று, அரையிறுதிக்குள் உறுதியாக காலடி வைத்தது.

மற்றொரு ஆட்டத்தில், ஒடிஷாவின் கே.ஐ.ஐ.டி., பல்கலை, கடும் போராட்டத்துக்குப் பின், மேற்கு வங்கத்தின் அடமஸ் பல்கலை அணியை 25 - 23, 29 - 27, 21 - 25, 25 - 12 என்ற செட் கணக்கில் வீழ்த்தி, அடுத்த சுற்றுக்கு தகுதி பெற்றது.

அதேபோல், கோட்டயம் எம்.ஜி., பல்கலை, விறுவிறுப்பான ஆட்டத்தில் வேல்ஸ் பல்கலை அணியை 25 - 21, 25 - 27, 25 - 16, 26 - 24 என்ற கணக்கில் தோற்கடித்து, அரையிறுதிக்கு முன்னேறியது.

இன்னொரு பரபரப்பான மோதலில், பஞ்சாப் லவ்லி பல்கலை, ஹரியானாவின் குருக்ஷேத்ரா பல்கலை அணியை 20 - 25, 25 - 21, 25 - 22, 25 - 10, 15 - 8 என்ற கணக்கில் வீழ்த்தி, அரையிறுதி வாய்ப்பை தட்டிச் சென்றது. போட்டிகள் தொடர்ந்து நடக்கின்றன.