இந்திய குத்துச்சண்டை கூட்டமைப்பு சார்பில், நான்காவது தேசிய சப் - ஜூனியர் குத்துச்சண்டை போட்டி, உத்தர பிரதேசம் மாநிலத்தின் கிரேட்டர் நொய்டாவில் நடந்தது.

இதில், நாட்டின் அனைத்து மாநிலங்களிலும் இருந்து அணிகள் பங்கேற்றன.

இதன் இறுதிப்போட்டி நேற்று நடந்தது. இதில் தமிழகம் சார்பில், சிறுவர்களில் 30 - 33 கிலோ பிரிவில் சந்தோஷ்; 35 - 37 கிலோ பிரிவில் ஒப்ரைட் மெக்கேட்ஸ் ஆகியோர் தங்கம் வென்று அசத்தினர்.

மேலும், 43 - 46 கிலோ பிரிவில் தர்ஷன் வெள்ளி பதக்கம் வென்றார். 49 - 52 கிலோ பிரிவில் விக்னேஷ்வரன்; 52 - 55 பிரிவில் சக்தி வெண்கலம் பதக்கம் வென்றுள்ளனர்.

 சிறுமியரில் 70 கிலோவிற்கு மேல் உள்ள பிரிவில் மோன்ஷிஹா தங்கம் வென்று அசத்தியுள்ளார். மேலும், 33 - 35 கிலோ பிரிவில் காவியா; 37 - 40 கிலோ பிரிவில் சாரா தமிழ்; 58 - 61 கிலோ பிரிவில் சுவாதிகா மற்றும் 67 - 70 கிலோ பிரிவில் பானு ஸ்ரீமதி ஆகியோர் வெள்ளி பதக்கம் வென்று அசத்தினர். அதுமட்டுமல்லாமல், 61 - 64 கிலோ பிரிவில் ஹேமாவதி; 49 - 52 கிலோ பிரிவில் ஹர்ஷிதா ஆகியோர் வெண் கலம் வென்று அசத்தினர்.