பெரும்பாக்கம் நகர்ப்புற வாழ்விட மேம்பாட்டு வாரியத்தில் உள்ள ஆறு வீடுகளை ஒருங்கிணைத்து, அதில் தற்போது காவல் நிலையம் செயல்படுகிறது.

சொந்த கட்டடம் கட்ட தேவையான, 32 சென்ட் இடத்தை, நகர்ப்புற வாழ்விட மேம்பாட்டு வாரியம் ஒதுக்கியது.

இதில் கட்டடம் கட்ட, 1.85 கோடி ரூபாயை தமிழக அரசு ஒதுக்கியது. மொத்தம் 2,360 சதுர அடி பரப்பில், இரண்டடுக்கு கட்டடம் கொண்ட காவல் நிலையம் கட்டும் பணி, கடந்த ஆண்டு துவங்கியது.

வெள்ளம் தேங்கும் பகுதியானதால், தரைத்தளம் வாகனங்கள் நிறுத்தும் இடமாக விடப்பட்டுள்ளது.

சட்டம் - ஒழுங்கு, குற்றப்பிரிவு மற்றும் மகளிர் காவல் நிலையம் அமையும் வகையில், முதல் மற்றும் இரண்டாம் மாடி கட்டப்பட்டுள்ளது.

கட்டுமான பணி முடியும் நிலையில் உள்ளது. அடுத்த மாதம் காவல் நிலையத்தை திறக்கும் வகையில், காவலர் வீட்டு வசதி வாரியம் நடவடிக்கை எடுத்துள்ளது.